Erməni təxribatı nəticəsində şəhid olan hərbçi dəfn olunub - YENİLƏNİB

  • Bölmə: Hərb  
  • Tarix: 6 mar 2020 [12:00]

Erməni təxribatı nəticəsində şəhid olan sərhədçi əsgər ilə vida mərasimi başa çatıb.

Məlumata görə, 1996-cı il təvəllüdlü Orxan Nazim oğlu Paşazadə Cəlilabad rayonunun Cəfərxanlı kəndində torpağa tapşırılıb.
Dəfn mərasimi fəxri qaravul və yaylım atəşi ilə müşayiət edilib. Şəhid Orxan Paşazadə "Hərbi xidmətdə fərqlənməyə görə” 3-cü dərəcəli medalı ilə təltif edilib və medal Azərbaycan bayrağı ilə birgə şəhidin atası Nazim Paşazadəyə təqdim olunub. 


***
10:54
Erməni təxribatı nəticəsində şəhid olan sərhədçi əsgər ilə vida mərasimi keçirilir.

APA-nın məlumatına görə, 1996-cı il təvəllüdlü Orxan Nazim oğlu Paşazadənin cənazəsi yaşadığı Cəlilabad rayonunun Cəfərxanlı kəndinə gətirilib.
Vida mərasimində Dövlət Sərhəd Xidmətinin nümayəndələri, Səfərbərlik və Hərbi Xidmətə Çağırış üzrə Dövlət Xidmətinin Cəlilabad Rayon Şöbəsinin, rayon rəhbərliyi, şəhidin ailə üzvləri və ictimaiyyət nümayəndələri iştirak edir.

Qeyd edək ki, ötən gün axşam saatlarında Ermənistan silahlı qüvvələrinin bölmələri tərəfindən Azərbaycan-Ermənistan dövlət sərhə­dindəki təmas xəttində atəşkəs rejimi kobud surətdə pozulub. Düşmən snayperi tərəfin­dən açılan atəş nəticəsində Qazax rayonunun Quşçu Ayrım kəndi yaxınlığındakı sərhəd döyüş məntəqəsində xidmətdə olan sərhədçi əsgər Paşazadə Orxan Nazim oğlu yaralanıb, dərhal Qazax rayo­nunun dia­qnostika mərkəzinə təxliyə edilsə də, həyatını xilas etmək mümkün olmayıb.


Загрузка...


Oxunub: 21490 dəfə